Pay for Health Care / Kōl̗l̗ā wōn̗āān Taktō

Abbūl̗ae ak Kanne n̄an Injuren In Taktō

Injuren in taktō ak Medicaid emaron̄ jipan̄ eok kōl̗l̗a wōn̗āān lo l̗o̗k in taktō ko im wūno ko. Komaron̄ bōk jipan̄ ilo ejjel̗o̗k wōn̗āān n̄an abbūl̗ae ak kanne n̄an i.

N̄an pukot juon Health Insurance Navigator (juon eo enaaj jipan̄ eok abbūl̗ae ak kanne n̄an injuren)

Doulul kein remaron̄ bar jipan̄ eok abbūl̗ae ak kanne n̄an injuren. Kūrl̗o̗k er n̄an jel̗ā ewi wāwein aer maron̄ jipan̄ eok.
  • Arkansas Coalition of Marshallese:
    • Kūrl̗o̗k: 479-365-6625
    • Services for those who speak English or Marshallese
  • Community Clinic:
    • Kūrl̗o̗k: 855-438-2280
    • Services for those who speak English, Spanish or Marshallese
  • Marshallese Educational Initiative:
    • Kūrl̗o̗k: 479-365-7019
    • Services for those who speak English or Marshallese

Abbūl̗ae ak Kanne n̄an Medicaid

Medicaid

Epel̗l̗o̗k Medicaid n̄an armej in Arkansas ro edik wōn̗āer ilo jikin jerbal me rej aikuj jipan̄ ikijjien taktō. Komaron̄ tōprak ak teru el̗an̄n̄e kwōj juon riArkansas im kwōj US citizen, US national, ak permanent resident. Ebar del̗o̗n̄ RiM̗ajel̗ kab COFA (Compact of Free Association) ro jet. N̄an lale el̗an̄n̄e kwotōpar jon̄o̗k ko ikijjeen jon̄an jāān eo kwōj kōm̗m̗ane, im n̄an jel̗ā el̗apl̗o̗k, jiped ijin. N̄an abbūl̗ae ak kanne:

  • Etal im lale ilo online Access Arkansas
  • Ilo talboon:
    • Kūrl̗o̗k 1-855-372-1084
    • Jiped 1, innem bar jiped 1

ARHOME

ARHOME ej juon Medicaid būrookraam̗. Ej jerbal n̄an riArkansas ro edik aer kōm̗m̗an jāān ilo jikin jerbal im 19 n̄an 64 iiō dettaer me rejjab maron̄ tōprak ak teru ilo lukkuun Medicaid eo. Komaron̄ tōprak ak teru el̗an̄n̄e kwōj juon riArkansas im kwōj US citizen, US national, ak permanent resident. Kar m̗okta rekin ba Arkansas Works. El̗an̄n̄e ear wōr am̗ Arkansas Works m̗oktal̗o̗k, komaron̄ bōk ARHOME. N̄an jel̗ā el̗apl̗o̗k, jiped ijin.  N̄an abbūl̗ae ak kanne:

  • Etal im lale ilo online Access Arkansas
  • Ilo talboon:
    • Kūrl̗o̗k 1-855-372-1084
    • Jiped 1, innem bar jiped 1

ARKids First

ARKids First ej juon Medicaid būrookraam̗ n̄an ajri ro ilo Arkansas. Baam̗le eo am̗ emaron̄ tōprak ak teru n̄an būrookraam̗ in el̗an̄n̄e kwotōpar jet jon̄o̗k ko ikijjien jon̄an jāān kwōj kōm̗m̗ane. Ajri eo nejūm̗ emaron̄ bōk ARKids First el̗an̄n̄e ej juon legal U.S. resident, jekdo̗o̗n ta immigration status eo am̗. N̄an jel̗ā el̗apl̗o̗k, jiped ijin. N̄an abbūl̗ae ak kanne:

  • Etal im lale ilo online Access Arkansas
  • Ilo talboon:
    • Kūrl̗o̗k 1-855-372-1084
    • Jiped 1, innem bar jiped 1

Medicare

Medicare ej injuren in jipan̄ armij ro 65 aer iiō im rittol̗o̗k. Komaron̄ bōk Medicare el̗an̄n̄e kwodikl̗o̗k jen 65 im el̗an̄n̄e ewōr jet am̗ nan̄inmej ko ak apan̄ ko ilo ānbwin (disabilities). N̄an jel̗ā el̗apl̗o̗k, jiped ijin.

BŌK JIPAN̄ IKIJJIEN TAKTŌ EL̗AN̄N̄E EJJEL̗O̗K AM̗ INJUREN

Kōl̗l̗a wōn̗āān taktō emaron̄ lukkuun in l̗ap wōn̗āān. El̗an̄n̄e kwōjjab maron̄ ebbōk injuren, ewōr jikin taktō ko kōn jon̄an wōn̗āān ko komaron̄i. Jikin taktō kein ilo Northwest Arkansas im rej ellaajrak ijin rej jipan̄ ikijjien taktō ilo ejjel̗o̗k wōn̗āān ak edik wōn̗āān:

Community Clinic: Edrik wōn̗en n̄an aolep armij jekdro̗n kajin ta eo kwōj kenono.

Planned Parenthood: Edrik wōn̗en n̄an aolep armij jekdro̗n kajin ta eo kwōj kenono.


Kōl̗l̗ā Wōn̗āān Lim̗ōm̗ Wūno

Taktō eo am̗ emaron̄ lewaj lim̗ōm̗ wūno ko n̄an ājmour n̗e am̗. Wūno ko remaron̄ in lukkuun l̗ap wōn̗āer, el̗aptata n̄e ejjel̗o̗k injuren. N̄an kadikl̗o̗k wōn̗āān wūno ko lim̗ōm̗, komaron̄:

  • Kajjitōk ippān taktō eo am̗ bwe en lewaj generic wūno ko. Edikl̗o̗k wōn̗āer.
  • Kajjitōk ippān taktō in kauno eo am̗ kōn wūno ko edikl̗o̗k wōn̗āer.
  • Kōjerbal coupon ko jen GoodRx.com.